O blogue da Linguaxe Musical

Petr Ilich Chaikovski, ou na versión romanizada Piotr Illich, (1840-1893) foi un dos compositores rusos máis importantes do século XIX.  É autor dalgunhas das obras de música máis famosas do repertorio actual, por exemplo os ballets O lago dos cisnes e O Quebranoces, a Obertura 1812,  o Primeiro concerto para piano, o Concerto para violín, as súas sinfonías Cuarta, Quinta e Sexta (Tamén chamada Patética ) e a ópera Evgenii Onegin. A pesar de que a súa familia non quería, decidiu seguir unha carreira musical e en 1862 accedeu ao Conservatorio de San Petersburgo,  A formación que recibiu, formal e orientada ao estilo musical occidental, apartouno do movemento contemporáneo nacionalista coñecido como o «Grupo dos Cinco» : un grupo de mozos compositores rusos, cos cales Chaikovski mantivo unha relación profesional e de amizade ao longo da súa carreira. O Quebranoces é un ballet baseado no conto de fadas  O Quebranoces e o rei dos ratos de E.T.A.Hoffmann. A súa es...

Queridísimos alumnos e alumnas do Cmus Xan Viaño: hoxe quero compartir con vós a fantástica felicitación que realizou o Equipo de Dinamización da Convivencia do noso conservatorio. Un vídeo co que tódolas persoas que formamos parte do Cmus Xan Viaño (conserxes, persoal de limpeza, persoal de administración, profesores e profesoras) queremos desexarvos un felicísimo aninovo cheo de Saúde, Amor, e moita, moita Música... Recoméndovos que visitedes o seu blogue, porque atoparedes publicacións moi interesantes e vídeos onde veredes a compañeiros e compañeiras do Cmus ou información sobre charlas de antigos alumnos e alumnas do Cmus que comparten as súas experiencias. Clicando a continuación podedes ir á súa páxina:  En todas as claves Os seguintes enlaces corresponden a outros vídeos destacados: Que a música non pare! Música, Mestra!

Modest Petrovich Mussorgsky (1839-1881) foi un compositor ruso, coñecido como un do Grupo dos Cinco . Foi un innovador da música rusa no período romántico. Procurou crear unha identidade musical rusa. Moitas das súas obras estaban insipiradas na historia e folclore rusos.  A mediados do século XIX, non existían en Rusia orquestras nin sociedades de concertos, tampouco conservatorios. A música só era un privilexio da aristocracia, quen desfrutaba de concertos de grandes virtuosos como Clara Schumann ou Franz Liszt. A ópera tamén era exclusiva da aristocracia, sendo a ópera italiana un símbolo de distinción. Ata o ano 1862 non houbo en Rusia un sistema educativo musical: será Anton Rubinstein, un dos grandes virtuosos do piano, quen creará o Conservatorio de San Petersburgo. Das obras de Mussorgsky destacamos a ópera  Boris Godunov ,  o poema orquestral  Unha noite no Monte Pelado  e a suite para piano  Cadros dunha exposición. Os cadros dunha exposició...

Alexandre-César-Léopold Bizet, conocido como Georges Bizet (París, 1838-Bougival, 1875) foi un compositor francés que destacou polas súas óperas. A súa ópera máis famosa, e unha das máis representadas na acutalidade, é Carmen:  unha ópera dramática en tres actos en francés. A historia de Carmen está ambientada na Sevilla de principios do século XIX, protagonizada pola fermosa Carmen, o soldado don José e o torero Escamillo. Unha historia de amor e celos que remata cun terrible crime machista: don José, celoso de que Carmen ame a Escamillo, daralle morte a Carmen no acto final da ópera. Como blogue educativo,  non podemos pasar por alto unha reflexión sobre a morte de Carmen, xa que por desgracia segue sendo un problema da nosa sociedade: nunca se pode xustificar unha morte dunha muller nas mans dun home que di amala.  Por iso, como músicos sensibles non só á beleza da Música, senón como persoas cun compromiso co mundo que nos redea,  hoxe, 25 de Novembro alzamos a no...

  Camille Saint-Saëns (París, 1835-Arxel, 1921) foi compositor, director de orquestra, organista e pianista. Xa de pequeno amosaba fascinación pola Música. Con dous anos abriu o piano que na súa casa estaba coma un moble máis. Aos catro anos compuxo a súa primeira obra para piano. Unha das súas obras máis célebres é  " O Carnaval dos animais ", que compuxo como unha broma para un día de antroido. Aparecen leóns, galiñas, tartarugas, burros... e varios animais. Nesta broma musical, Saint-Saëns toma prestada música doutros compositores, como o Can-can ou a súa propia música, como un fragmento da Danza macabra. Como consideraba esta obra un divertimento, non a publicou durante a súa vida, agás O Cisne , que tamén serviu como música da bailarina Anna Pávlova no seu ballet A morte do cisne Dos catorce movementos, seleccionei para vós o lirismo de O Cisne e o misterio de O Acuario . O Cisne O Acuario No seguinte vídeo poderedes escoitar a obra completa:

  Johannes Brahms , (Hamburgo,1833- Viena,1897), foi un pianista e compositor alemán do Romanticismo. Brahms é unha figura moi importante da música do século XIX: trátase dun dos máis importantes músicos do Romanticismo e é considerado por moitos como o "sucesor" de Beethoven , ata o punto de que a súa Primeira Sinfonía foi descrita por como a décima sinfonía de Beethoven. A expresión Os tres bes refírense a Bach, Beethoven e Brahms como tres dos maiores compositores da historia da música. Brahms é frecuentemente considerado á vez tradicional e innovador. A súa música está firmemente enraizada nas estruturas e técnicas de composición dos mestres do Barroco e do Clasicismo, e á vez Brahms avanzou cara a un idioma romántico, no proceso de creación de novos enfoques para a harmonía e a melodía. Brahms escribiu sobre todo música para piano, o seu instrumento, para voz, para coro e para orquestra.  Escoitamos a continuación o precioso movemento terceiro da súa Sinfonía nº 3: Se ...

Hotaru Koi é unha canción tradicional xaponesa que fala dun vagalume, un insecto moi apreciado no Xapón. A súa traducción sería:  Oh! Vagalume, ven.  A auga que hai alí é amarga para probar.  Ven, a auga que hai aquí é agradable para saborear.  Oh! Vagalume, ven. Velaí a partitura que cantaremos como canon a 3 voces. De seguro que vos gustará! Ho ho hotaru koi atchi-no mizu-wa nigai-zo kotchi-no mizu-wa amai-zo ho ho hotaru koi ho ho yama-michi koi ほ ほ ほたる こい あっちの みずは にがいぞ こっちの みずは あまいぞ ほ ほ ほたる こい