O blogue da Linguaxe Musical

Este último dictado do ano. Son dous temas dun fermoso canto de nadal galego. Non vos deixedes impresionar polo número de compases! A súa rítmica é moi doada e neses dous temas atoparedes motivos repetidos.  Coma sempre, reparade na tonalidade. Con que grao comezará? Quería practicar a escritura en 3/8, aínda que o tempo para facilitar este dictado é moi lento. Deixo algúns compases de regalo. Feliz Nadal 

Este dictado é un canto á primavera de W. A. Mozart. No baixo escoitaredes os acordes arpexiados. Atent@s! Ademáis dos acordes dos graos tonais aparece o acorde do II grao. O comezo deste dictado 4:

Se aínda non tes entrada, deberás darte moita presa porque están voando as entradas para poder ver ó Peque Coro do Xan Viaño participando na Mostra de Corais da Terceira Idade no teatro Jofre. Vai a todo filispín... A cita é mañá luns 17 de decembro ás 17:30 no teatro Jofre.

Este dictado é unha  Polonesa  de J.S.Bach que forma parte do célebre  Caderno de Anna Magdalena.  E non fagades trampas...que moitos alumn@s de piano tedes este  Caderno ...!. Seguimos entrenando o noso oído. Velaí o comezo:

Este dictado é unha adaptación dun tema dunha  Escocesa  de Beethoven, aínda que cun tempo máis lento. No baixo escoitaredes os acordes de tónica e dominante (con calquera das notas que forman eses acordes). Velaí o seu comezo:

Tedes a oportunidade de disfrutar de Dido e Eneas , interpretada polo coro Cantabile da Coruña. É unha ópera barroca interpretada por este coro infantil-xuvenil baseada na historia da raíña de Cartago, Dido, e o heroe troiano Eneas.  Dido e Eneas  foi a primeira ópera de Purcell, estreada en Londres no ano 1688.  Aquí tedes a aria máis famosa,  "O Lamento de Dido" , na que Dido chora porque Eneas a abandona: Este domingo 9 de decembro ás 20:00 no teatro Jofre. Se precisades máis información, consultade a páxina do Teatro Jofre:  Dido e Eneas  

O dictado 8 é un tema dunha célebre aria de Mozart. De que aria se tratará? Escoitarémola á próxima semana na nosa aula.  Velaí o seu comezo: Atención...non son oito compases!.

Este dictado para alumn@s de 2º GP é unha melodía popular recollida no Cancioneiro de Villalba Freire:  Barqueiros de Ribadavia. Velaí o comezo:

Para que a nosa mente e o noso corpo funcionen ben,  debemos comezar o día cun bo e saudable almorzo. Para que tod@s poidamos almorzar, e solidarizándonos coas persoas máis desfavorecidas, comeza no noso conservatorio a recollida de alimentos para doar á Cociña Económica de Ferrol. Na entrada do noso conservatorio atoparás un recuncho para que deixes a túa doazón de alimentos non perecedoiros (especialmente alimentos para o almorzo) Axúdanos a orquestrar un bo almorzo!