O blogue da Linguaxe Musical

 Continuamos co visionado de máis exemplos para 1º GP. Canción india . N. Rimski-Korsakov Escala pentatónica maior A cañada india . A. García-Palao Escala pentatónica menor Sakura . Tradicional xaponesa Escala pentatónica menor hira-joshi Voiles . Preludios. C. Debussy Escala hexátona ou de tons enteiros Bacanal de Sanson e Dalila . C.Saint-Saëns Escala hispano-árabe

  Nesta publicación temos os exemplos propostos no noso libro de teoría para abordar as distintas escalas. Concerto para violín en Mi menor de F.Mendelssohn. 1º movemento. Escala menor harmónica As estacións. Xuño. P.I.Chaikovski Escala menor melódica Cadros dunha exposición. O vello castelo. M.Mussorgski Escala menor natural O voo do moscardón . N. Rimski-Korsakov Escala cromática

  Imos escoitar algúns instrumentos antigos que foron empregados sobre 400 anos atrás no período musical chamado Barroco. No seguinte vídeo veremos o traverso barroco a frauta, acompañada pola corda e o clave: Outro instrumento antigo é o oboe d'amore: A viola da gamba, é dicir, viola da perna: Un dos instrumentos máis antigos que seguimos tocando a día de hoxe é o clave: Escoitamos agora o movemento Largo do Trío en Sol Maior de G.F.Telemann, o compositor con máis obras escritas na historia da música. Saberías dicir o seu compás?

  Os alumnos e alumnas de 1º GP repasamos as cadencias. Simplificando: os repousos da música, nos que se produce o enlace de dous ou máis acordes. Podes repasalas co vídeo que xa empregamos o curso pasado: No noso libro de teoría propón as seguintes audicións para analizar as súas cadencias: "Te Deum" de M.A.Charpentier: Minueto en Sol M de J.S.Bach Sonata nº5, Primavera, para violín e piano de L.van Beethoven Ave María de F. Schubert Ave María de A. Bruckner

  Leo Delibes foi un compositor romántico francés que compuxo ballets, como Sylvia e Coppélia e óperas como Lakmé. No seguinte vídeo escoitaredes a súa Polka-Pizzicato, onde podedes ver en que consiste o pizzicato : unha técnica na que os instrumentos de corda da orquestra beliscan os seus instrumentos.

Despedimos este ano con "Branco Nadal": un arranxo dunha obra icónica de Irving Berlin, White Christmas. Os intérpretes son alumnos e alumnas de 1º Grao Profesional que se atreveron con este arranxo a tres voces. Con eles nace o Coro de Cámara Carolina Casanova (soprano ferrolá que da nome a nosa aula no conservatorio). Grazas pola vosa interpretación de "Branco Nadal" e felices festas a todos os alumnos e alumnas do Cmus Xan Viaño.  

  Aproveitando todo o que aprendimos esta avaliación (compás de 3/4, anacrusa, barra de repetición, casilla de 1ª e 2ª vez...) e dando novos pasiños para o que nos espera á volta das vacacións, temos esta partitura dun canto de nadal inglés do século XVII. Na aula nos agardan uns instrumentos coa que tocaremos...veredes que bonita interpretación faremos.