"A Sorpresa" de Haydn
Franz Joseph Haydn (1732-1809) foi un compositor austríaco, alcumado como "O Pai da Sinfonía e do Cuarteto de Corda" pola súa gran contribución a estas formas. Compuxo ata 104 sinfonías!
Mantivo amizade con Mozart e foi mestre de Ludwig van Beethoven. Serán os tres grandes representantes da música do Clasicismo.
Con seis anos marchou da súa casa, separado dos seus pais, para estudar música: aprendeu a tocar o violín, o clavicémbalo e destacaba no seu coro. Tanto que o mestre de capela da Catedral de Santo Estevo de Viena, quen buscaba novos talentos para o coro de nenos, levouno a Viena para cantar no coro durante nove anos.
A súa Sinfonía nº 94 en Sol M, chamada "A Sorpresa" ou "A do toque do timbal", foi composta en 1791. O nome o toma do seu segundo movemento onde escoitamos un súbito acorde fortissimo. Foi estreada en Londres en 1792 entusiasmando ao público.
🥰 🥰 🥰wow
ResponderEliminarBo resumo!
Eliminar